Palanca de mandu

Una palanca de mandu o joystick (del inglés joy, allegría, y stick, palu)^[1] ye un periféricu d'entrada que consiste nuna palanca que xira sobre una base ya informa el so ángulu o direición al dispositivu que ta controlando. Ye'l dispositivu de control principal na cabina de vuelu de munchos aviones civil y militar, yá sía como una palanca de control central o una palanca de control llateral. Delles palanques tienen interruptores suplementarios pa controlar diversos aspeutos del vuelu de l'aeronave.

Les palanques de mandu tamién s'usen pa controlar videoxuegos y xeneralmente tienen unu o más botones que'l so tao tamién puede lleer l'ordenador. Una variación popular de la palanca de mandu que s'usa nes consoles de videoxuegos modernes ye la palanca analóxica. Les palanques de mandu tamién s'utilicen pa controlar máquines como grúes, camiones, vehículos subacuáticos non tripulaos, sielles de ruedes, cámares de vixilancia y cortacéspedes de xiru cero. Les palanques de mando miniatura remanaos pol deu adoptáronse como dispositivos d'entrada pa equipos electrónicos más pequeños, como teléfonos móviles.

1. ↑ «Joystick» (inglés). Merriam Webster. Consultáu'l 5 de xunu de 2018. «La pallabra apaez n'inglés col so sentíu actual sobre 1910. El so orixe ye un términu de xíriga que faía referencia al miembru viril, una espresión col usu equivalente a verga n'español.»